"Justice for Manisha? Ya Phir Sirf Ek Aur Trend?"
#justiceforManisha social media ka ek Trend. Fir Kya Hua? Hashtag, Candle, Aur Phir Silence. Ye koi nayi baat nhi hai. ye to ham pahle bhi har case mein dekh hi chuke hai. aur age bhi yahi hoga....kuch nhi badlega siway name ke..jaise Manisha .......Nirbhaya ......Shraddha....Ankita thi. waise kal koi aur ladki hogi..fir same hashtags #Justicefor......., social media trend, candle march after 3 to 4 days phir wahi silence ...ye ek silsila hai, ek pattern hai, jisme har baar ek ladki ka khoon hota hai, aur samaj sirf hashtags mein ro leta hai. ...Akhir kab Tak?.....
Kya India mein Rape ek culture ban gya hai because 2025 ke pehle 6 mahine mein 602 rape cases report hue—308 victims minor girls thi. Delhi mein har din 4 rape cases ho rahe hain. Mumbai ne 26% ka rise dekha, despite safety claims. Par yeh sirf darj hue cases hain—mahaj wo ankde jo file mein aaye. Na jaane kitni Manisha, kitni Guddi, jo kabhi report tak nahi pahunchi. aur aisi koi ladki nhi hogi jisane sexual harassment face na kiya ho... Jab tak system survivors ko blame karta hai, aur society silence ko normalize karti hai, tab tak rape sirf ek trending outrage rahega.
In sab ka jimmedaar kaun hai...System Ki nakami ya fir ladko ki soch...OOOps ...So sorry... I forgot..system...ye society.. ladke ye jimmedar kaise ho sakte hai...Yha to in sab ke liye ladkiya hi responsible hoti hai...hai n ....Kyun har baar ladki hi galat hoti hai? Raat mein nikli toh “characterless,” Jeans pehni toh “besharam,”Ladki jab rape survivor hoti hai, toh sabse pehle uska character check hota hai...matlab jo Victim hai Saza bhi ye society use hi de...Galati koi Kare aur azadi ladkiyon ki chhine...Nazarein ladko ki gandi ho Aur Parda ladki kare..kya ye sahi hai?...
Ek question hai is society ke kuch logo se .....bhagwaan na kre kbhi koi ladki aisa face kare ..par agar kal ko apki bahen ya beti ke sath aisa ho tab bhi Kya aap aise hi karenge...kabhi khud ko us jagah rakh ke dekhiye Rooh Kaanp jayegi..agar ham maneesa ki baat kare to....
Manisha 19 ki thi. Teacher thi. Sapne le kar nikli thi. Aur ek khet mein laash ban kar mili.
Fir kya hua?.... FIR delay....... CCTV footage gayab....... Police ne bola: “Woh bhaag gayi hogi.” 🕯️ Candle march hua......Social media par outrage aaya...... Phir trend down ho gaya. ......Phir sab normal ho gaya.
So please stop blaming girls for all of that...Aur agar sach mein..u want Justice for Manisha or any other girls to please society ke mindset ko change karni ki Jarurat hai..System ko Strict Laws Lane ki Jarurat..Ye Social media par hashtags sirf ek trend ban kar rah jata hai..mahaj kuch views aur like ke liye..
Agar aap sach mein in girls ke liye bura feel karte hai social media par guss dikhane se ya frusted post or Stories se better hai system aur society ko change karne par focus karien....Kyunki outrage ka shelf life sirf 72 hours hai. Kyunki samaj sirf tab tak gussa hota hai jab tak use koi new trend na mil jaye..And The so Called system...agar ham sochte hai system justice karega...to ye bhi easy nhi hai.....
🏛️ System ki Hypocrisy:
Education system mein sex-ed taboo hai, Par harassment ke cases mein ladki se poocha jaata hai—‘tumne pehna kya tha?’...Usane kya kiya ? Kya Kya hua tha?
Police complaint lene se pehle character certificate maangti hai. Justice delayed nahi, justice denied hota hai.
Laws hain, par implementation dead hai. Aur jab ladki chillaye, toh “overreacting” ka label milta hai.
